Səni məndən alıb apardı fələk.

Bu dünyadan nakam getdin, qardaşım,

Sən gedəndən qurumayıb göz yaşım.

Axı səndin mənim dostum, sirdaşım,

Səni məndən alıb apardı fələk.

Bir ömrüm var, gəl, ikimiz bölüşək,

Bəlkə gəlim o dünyada görüşək?

Necə dözsün ayrılığa bu ürək,

Səni məndən alıb apardı fələk.

Sən gedəndən, qardaş, tənha qalmışam,

Təsəllimi məzarından almışam,

Baş daşına bu sözləri yazmışam:

- Səni məndən alıb apardı fələk.