“Azərbaycanlı”yam mən!

Dostlara məhəbbətim,

Düşmənlərə nifrətim,

Qanımda var qeyrətim,

“Azərbaycanlı”yam mən!

Nə fərqi var haralı?

Vətən bundan yaralı.

Həm o taylı, bu taylı,

“Azərbaycan”lıyam mən!

Vardır ulu öndərim,

Neçə dahi rəhbərim,

Nurludur hər səhərim,

“Azərbaycanlı”yam mən!

Gəncəli, Naxçıvanlı,

Göyçəli, İrəvanlı,

Təbrizli, Savalanlı,

“Azərbaycan”lıyam mən!

Dədə Qorqud nəsliyəm.

Babəkin nəvəsiyəm,

Koroğlu nərəsiyəm,

“Azərbaycanlı”yam mən!

Millətimi sevirəm,

Bununla fəxr edirəm,

Qürur ilə deyirəm:

- “Azərbaycanlı”yam mən!